Villa de Portugalete

Historia eta Artea

XX. MENDEA

Herrian ez zegoen industria handirik, ertaina baizik, besteak beste produktu metaliko eraldatuenak, makineria eta eraikuntza alorrekoak. Portugaletetar gehienek inguruko fabriketan egiten zuten lan. Nekazaritza eta abeltzaintza galduta zeuden betiko, eremu lur gehiena etxeek hartu zuten-eta.

XX. mende osoan izan zen Portugalete Ezkerraldeko gune nagusia, merkataritza eta jolasari zegokienez.

Kirol eta jaiaz ari bagara, eskualdeko herririk erakargarriena zen. Izan ere, Portugaleten hainbat kiroletan egin dezakegu gaur egun ere: arraunketan, kasu, Portugaleten lehiatzen dira Euskal Herriko, Kantabria, Galizia eta Asturiaseko traineru ospetsuenak. Arraun txapelketa garrantzitsuena Nerbioi Saria dugu; irailean egin ohi da.

Kronologia laukia

1905	Lan handia egin ostean, prest egon zen Portugaleteko portua.
1924	Villanueva etxaldearen lanak hasi ziren Repelegan eta 1925ean bukatu ziren
1925	Zabalgune proiektua onetsi zen
1934	Urriko gatazketan su eman zioten Salazar dorreari
1936	Uztailaren 18an Espainiako Gerra Zibila hasi zen
1937	Gerra Portugaletera iritsi zen.
• Ekainaren 22an falangisten armada sartu zen Portugaleten . • Ekainean bertan suntsitu zuten zubi esekiko goiko habea iparraldeko armadako ingeniari militar batzuek . • Bonbardatu ere bonbardatu zuten hiria eta kalte handia egin .
1938	Santos Zunzunegi arkitektoak proiektu berria egin zuen azoka plazarako
1941	Ekainaren 19an berriro inauguratu zen zubi esekia